2026 年 10 月更新：而家網店有 二手 CCD 現貨，每款一兩部，賣完就冇。
CCD多次返貨，皆因次次都俾大家秒速掃走清晒❣️CCD係上年代產物，停產多年，每款數量都係得一兩部，想買就要快手啦！
現時店舖返貨嘅CCD牌子有Canon、Nikon、Fujifilm、Casio、Pentax、Lumix… 好多客人經常inbox或者上到嚟舖頭問我哋有咩推介❓要點揀❓今次呢個post就為大家解答一啲常見問題🙌🏻
1️⃣CCD係咩🤔？
CCD其實就係早期停產已久嘅老數碼相機，感光元件同現時相機手機都唔同，而家用嘅係CMOS，老數碼則用CCD，像素偏低，粒子較粗，所以畫質有種當時年代嘅復古感~
2️⃣有無全新CCD👶🏻？
CCD係無全新㗎！正如前面所講CCD係停產已久嘅老數碼相機，現時市面上買到嘅全部都係二手中古產品👵🏻
3️⃣邊隻牌子嘅CCD好睇？更有菲林感🎞️？
就好似而家嘅單反、無反一樣，每部CCD影出嚟都會有分別，成像好唔好睇並唔完全關牌子事，要視乎鏡頭、出產年份、造工等等，而且最重要嘅係各花入各眼，每個人覺得好睇嘅標準都唔同，有啲人鍾意色彩艷麗啲，都有啲人係鍾意偏色感或者小清新，所以最緊要都係親身拿上手用吓，先可以感受到唔同相機嘅差異，而自己又最鍾意邊種感覺嘅CCD👍🏻
至於菲林感呢家嘢，都係見人見志，CCD屬上世紀產物，感光元件不同，出片大多數復古感濃，可以係艷麗、濃郁、厚重、清新、質感、暗調、清冷、暖調... 原理同菲林好唔同，你可以話佢哋感覺近似，但絕對唔係同一回事，都無法互相替代😗
4️⃣點樣揀啱自己嘅CCD🤳🏻？
收藏 / 選購CCD，小編個人會先睇成像色彩，而呢樣都跟CCD感光元件嘅大細有啲關係，好似Fujifilm有啲大底super CCD (1/1.7、1/1.8)，相比起細底嘅某啲Fujifilm色彩會更濃；另外仲會睇鏡頭、機身質量、造工、手感、影出嚟嘅參考相、價位等等，當然而家CCD作為潮流單品，都要睇埋好多人著重嘅機身顏色🎨紅、粉、白、銀、黑，任勻選擇~
IMG 嘅 CCD 全部經門市基本檢查，唔包 SD 卡（另購）。
最後，總結就係，揀相機一向都好睇個人感覺、喜好，最重要都係親身上手使用，所以有興趣入手CCD嘅朋友仔，歡迎上嚟旺角、銅鑼灣、中環門市試機，網店落單門市 2 小時自取👀✨ 睇全部二手 CCD
