Polaroid出新機！作為即影即有龍頭之一嘅Polaroid，於今個月頭發佈新機Polaroid I-2，同時正式發售！有別於一般即影即有相機走入門、易用、親民路線，Polaroid I-2打正旗號話你知，佢係一部專業用嘅高規格相機，以下將以6個重點，帶大家認識呢部新一代即影即有機王！

1. 4年時間研發｜史上最銳利巨型鏡頭

Polaroid I-2研發時間長達4年，團隊成員更特登遠渡日本，向當地影像光學大師及已退休Olympus工程師取經，來設計I-2嘅鏡頭及對焦系統。

I-2鏡頭擁有連續自動對焦三鏡片系統，首次搭配步進馬達和LiDAR激光雷達測距系統，能夠喺自動對焦時精確探測距離，自動調整鏡頭，由40cm近攝至無限遠都可以精準對焦，即使係一向難拍攝嘅強光或弱光環境中，I-2鏡頭表現一樣出色，細節位相當銳利，即使係頭髮髮絲都清晰可見，唔似以往一般即影即有咁鬆郁矇。

I-2鏡頭為98mm F8 (可設定光圈: F8, 11, 16, 22, 32, 45, 64)，相當於全片幅相機嘅38mm F3.2等效焦距，超大光圈設計，令即影即有都可以製造出景深效果；鏡頭亦兼容49mm濾鏡，畀大家可以裝上唔同filter！

2. 支援6種拍攝模式｜真正全手動

話明係專業規格，I-2嘅設計自然做到有更大嘅拍攝自由度。I-2是首部引入「內置手動調節功能」嘅Polaroid機，好似單反一樣可以自由轉mode，共有6種模式揀：全自動、光圈優先、快門優先、全手動、自拍、多重曝光，可透過鏡頭位置嘅選擇旋鈕控制。最快快門速度1/250秒，曝光時間1/250至30 秒，可設定光圈F8, 11, 16, 22, 32, 45, 64。

3. 機身與Viewfinder顯示資訊｜清晰詳盡

Polaroid I-2同樣有Polaroid機標誌性嘅斜面機背，而上面就增設咗其他Polaroid機所沒有嘅OLED小型外顯示屏，顯示屏會顯示光圈、快門、拍攝模式、相紙餘數、電量等資訊，而且光度十足，即使烈日當空下，顯示屏上數字仍然相當清楚。除此之外，Viewfinder取景器內嘅內顯示器都會有更詳細相機資料，包括當前焦距、光圈、曝光表、快門速度、是否過震需要使用三腳架、自動曝光 + 對焦鎖定、閃光燈狀態 (on/off)、相紙數量、電池電量以及App連接狀態。

以往影即影即有，都好驚炒相，因為唔知對唔對到焦、曝光啱唔啱，而I-2有咗呢啲顯示屏與資訊，不論對於新手、老手嚟講，都大大減少炒相嘅機會，慳返啲珍貴嘅相紙！

4. 三種相紙皆可用

有影開Polaroid嘅人都應該會知道，Polaroid相紙分三代： i-Type (ISO 640)、600 (ISO 600)、SX-70 (ISO 100)。

i-Type相紙盒不含電，供新式有電池、有USB差電嘅i-Type Polaroid機使用；600及SX-70相紙盒含電，供舊式無電池嘅古董Polaroid機使用，用作推動摩打出相及開閃光燈。而i-Type相紙只可用於i-Type機，600及SX-70相紙則皆可用於古董機及i-Type機！

Polaroid I-2作為新式機，兼容以上全三代相紙，選擇相紙時自然大自由度好多！

5. Type-C充電

同而家好多i-Type機一樣，Polaroid I-2唔需要更換電池，透過一條Type-C差電線就可以差電，每次差電後可以提供15包相紙嘅續航時間。機身已配備閃光燈，用家可以手動開啟或關閉，但若果用家想外接閃光燈，差電口旁邊都有一個2.5mm嘅閃光燈接口，可以進行同步閃光。

6. 手機遙控控制

Polaroid I-2同樣可以連結到手機App「Polaroid」，用家可以喺手機上遠程控制，選擇模式同各種光圈、快門數值，Polaroid App仲可以簡單地將Polaroid即影即有相紙嘅相轉換成digital相！

總括而言，小編覺得呢部Polaroid I-2嘅外型設計相當有質感，而成像與操作上更加可以話係即影即有嘅機中之王，打破即影即有永遠只屬於傻瓜機嘅概念，滿足到Advanced用家對於畫質及攝影操作嘅要求，同時又保留到即影即有獨有嘅懷舊Analog風格。而家透過Imageplayground預訂，更可享預訂優惠價！

Polaroid I-2規格
❑ 尺寸：149.9 x 119.3 x 91.2 mm
❑ 重量：563 g
❑ 焦距：98 mm
❑ 快門：1/250秒 - 30秒
❑ 光圈：F8, 11, 16, 22, 32, 45, 64
❑ 光學系統：3元件鏡頭具備連續自動對焦系統（最近40cm）

預訂連結：bit.ly/3ZmkmXK
預訂商品將於付款後約7個工作天到貨