Skip to content
【新品前瞻】Lomography全新Lomomatic 110迷你相機 經典復古懷舊風 秒回到70年代!

【新品前瞻】Lomography全新Lomomatic 110迷你相機 經典復古懷舊風 秒回到70年代!

on

玩開菲林嘅大家,對於135、120格式固然相當認識,110大家又影過未?110係Kodak喺1972年開發嘅菲林規格,專為小型相機而設,畫面尺寸為13 × 17mm。110菲林有一個雙黑桶嘅外殼,影晒之後唔需要回捲,直接拎出嚟就可以攞去沖。

上世紀70年代,微型嘅110格式令相機袖珍、輕量化,曾流行一時,後來卻漸漸式微,甚至被淘汰,但到咗21世紀,迷你可愛嘅110格式再次得到一啲菲林發燒友嘅青睞,而Lomography更係現時唯一仍堅持110菲林業務嘅品牌公司,除出品110菲林外,更曾推出造型特別嘅Fisheye Baby、Diana Baby 110菲林相機系列。

今次推出全新Lomomatic 110,外觀唔似以往趣致,採用常規長條形設計,反倒更類近Canon 110ED、Rollei A110及Kodak Pocket Instamatic 60等早期經典110菲林機。

長條形嘅Lomomatic 110使用滑動式結構,打開鏡頭可即時拍攝,而且壓縮後更為緊湊,放入褲袋相當方便;至於閃光燈,係可拆卸嘅方塊,造型四四方方,隨包裝附有顏色濾光Gel紙,可以營造氛圍光線!

鏡頭方面,使用Minitar CX多層鍍膜玻璃鏡頭,成像比起同類使用塑膠鏡頭嘅機型來得更銳利,鏡頭焦段23mm,同電話相機焦段類近,方便普羅大眾,設F2.8、F5.6光圈,ISO有100、200、400,快門設有自動及長曝,亦支援多重曝光,提供0.8米、1.5米、3米及無限遠合共4個合焦位置。

Lomomatic 110有2個版本,分別係塑膠機身、黃橙混色嘅Golden Gate,以及鋁金屬製造、銀色嘅Metal,小編個人覺得Metal版本更靚更vintage,金屬材質都來得更有質感!

細細部、古典復古懷舊於一身,今次嘅Lomomatic 110絕對係值得擁用!

〈 Lomomatic 110 規格〉
❑ 適用菲林:110
❑ 鏡頭焦距:23 mm
❑ 可用光圈:f2.8, f5.6
❑ 快門速度:Auto (A) 30s to 1/250, Bulb (B) up to 30s
❑ 閃光燈:Lomomatic 110 Flash
❑ 可調較 ISO 設定:100, 200, 400
❑ 電池類型:CR2 × 1

敬請留意到貨上架消息

 

Leave your thought here

Please note, comments need to be approved before they are published.

Related Posts

【菲林入門101】菲林齒孔有甚麼作用?
April 09, 2024
【菲林入門101】菲林齒孔有甚麼作用?

菲林的形狀與材質特別,上下兩側的洞,更為底片添上懷舊感,成為一大象徵。但經常拍菲林的你,又知不知道這些洞的作用?不同格式的底片更有不同數量的洞洞?今次菲林入門101為大家全面解構!

Read More
【菲林入門101】甚麼是電影菲林?解構去石墨電影菲林+三大推介!
January 09, 2024
【菲林入門101】甚麼是電影菲林?解構去石墨電影菲林+三大推介!

近年,愈來愈多人玩電影菲林,市面上亦出現不少自捲電影菲林及除碳電影菲林選擇,但究竟甚麼是電影菲林?除碳電影菲林又有甚麼分別?沖洗電影菲林有甚麼不同?今次菲林入門101為大家全面解構電影菲林,更會為大家推介三大電影菲林!

Read More
Drawer Title
Similar Products